Pólítík er skrýtin.

Sjálfstæðismenn eru enn að þræta fyrir það að láglaunafólk er að borga HLUTFALLSLEGA hærri skatta en hinir?  Það er engin að þræta fyrir kaupmáttaraukninguna almennt séð.   Þó almennur kaupmáttur hafi aukist undanfarin ár þá breytir það því ekki að hann hefur aukist meira hjá þeim hærra launuðu.  Þannig að bilið á milli hinna ríku og hinna efnaminni er alltaf að breikka.  Það er með ólíkindum að menn víla ekki fyrir sér áróður af þessu tagi.  Því það er engin hlutlaus aðili til þess að fjalla um efnahagsmálin í landinu eins og áður var. Auðvitað ætti Hagstofan að hafa þetta hlutverk í dag eftir að Þjóðhagsstofnun hætti en þeir treysta sér greinilega ekki til þess og láta óátalið að hagtölum sé hagrætt í áróðursskyni. Það er himinn og haf á milli kaupmáttaraukningarinnar hjá þeim efnameiri og þeim efnaminni.  Það er málið.

Athugasemdir

[Víðir (IP-tala skráð) 27.4.2007 kl. 17:04]

Getur þú þá gert grein fyrir hvaðan þetta HLUTFALLSLEGA meira sem láglaunafólk greiðir kemur því ekki kemur það frá ríkinu og sveitarfélögum

Manneskja með 140þús kr á mánuði borgar 140.000 x 0,95 (4%í lífeyrissjóð og 1% í verkalýðsfélag) =133000 sem eru skattskyldar tekjur af því er tekið 35,72% í skatt sem er 47.508kr. persónuafsláttur er 32.150 og því er skatturinn 15358 kr sem er 10.97 % skattur af heildarlaunum.

Sá sem er með 250þús á mánuði borgar 52.685 kr sem er 21,74% af heildarlaunum.

HLUTFALLSLEG skattgreiðsla eykst því með hærri launum. Eða er 21,7 ekki lengur hærra en 10,97?

[Gústaf Níelsson, 28.4.2007 kl. 02:05]

Eru hinir fátækari þá að verða fátækari og fátækari, en hinir ríku ríkari og ríkari? Eða eru allir að verða ríkari? Maður er bara að verða ringlaðri og ringlaðri.

[Jóhannes Ragnarsson, 28.4.2007 kl. 08:42]

Ég verð að viðurkenna að ég er ákaflega tortrygginn á hina meintu kaupmáttaraukningu síðustu ára, a.m.k. þegar láglaunafólk á í hlut. Það er t.d. illmögulegt að merkja, að verkafólk hafi nokkuð meira umleikis en áður. Það vantar nefnilega töluvert uppá að verkafólk geti lifað mannsæmandi lífi á launum sínum. Meðan svo er, er allt tal um kaupmáttaraukingu innantómt skvaldur.

[Þórdís Bára Hannesdóttir, 28.4.2007 kl. 17:07]

Sæll Gústaf

Það er út af fyrir sig rétt hjá þér að það borga allir hlutfallslega sama í tekjuskatt 35,72% sennilega eina Evrópulandið þar sem er eitt skattþrep, annarstaðar greiða hinir tekjuhærri hlutfallslega meira. Hér var reyndur hátekjuskattur en sjálfstæðisflokkurinn afnam hann.

Ég var ekki að tala um þetta þó þarna sé mikil hægri stefna og óréttlæti  heldur var ég að tala um það að þegar staðgreiðslan var ákveðinn 1987 þá átti persónuafsláttur að fylgja verðlagshækkunum samkvæmt staðgreiðslulögunum. Við það var ekki staðið og hækkaði persónuafsláttur miklu minna en almennt verðlag sem þýðir að núna tuttugu árum seinna að látekjufólk eins og sá sem þú tókst sem dæmi með 140 þús. á mánuði að borga 15.358 í skatta en hefði engan skatt borgað ef staðið hefði verið við lögin. Þannig er skattbyrði á lágtekjufólk núna miklu meiri en hún var fyrir 1987.