Stundum er eins og fólk lesi ekki áður en það dæmir.

,,Á fyrstu sjö árunum borgar Landsbankinn, eða eignasafn hans, höfuðstólinn niður. Hann lækkar stöðugt á þeim tíma. Hann byrjar í 650 milljörðum króna, en ef áætlanir ganga eftir þá verður hann kominn niður í 170 milljarða króna í lok þessa sjö ára tímabils. Á þessum sjö árum fer ekki ein króna úr ríkissjóði í þessar greiðslur.“ segir Svavar. Við þetta komist Íslendingar í skjól frá því efnahagslega fárviðri sem geysi úr öllum áttum í heiminum". 

Er þetta vondur samningur? eignasafn Landsbankans borgar fyrstu 7 árin af höfuðstólnum, ekki ein króna úr ríkissjóði, við komust aftur í samfélag þjóðanna og fl. og fl.

Margir  virðast ekki átta sig á því í hvaða stöðu við vorum komin á alþjóðavettvangi eða neita að trúa því og eru með mjög óábyrgann áróður sem er sérstaklega slæmt þegar  þar eru fremstir í flokki forystumenn flokka. Því þeir vita betur.

Hagkerfið kemst í skjól

Athugasemdir

[Hans Haraldsson (IP-tala skráð) 8.6.2009 kl. 12:26]

Þetta er ekki svo slæmur samningur ef að:

1) Eignasafn Landsbankans reynist traust og getur borgað vel upp í höfuðstólinn

2) Neyðarlögin standast fyrir rétti þannig að tekjur og söluverðmæti Landsbankans gangi upp í lánið en ekki til annarra kröfuhafa

Hvorugt er 100% öruggt. Frekar 50/50 í báðum tilvikum.

Ef að annað klikkar þá erum við á köldum klaka. Það getur engin ábyrg ríkisstjórn eða ábyrgt þing samþykkt þetta.

[Björg F (IP-tala skráð) 8.6.2009 kl. 12:32]

Þetta er nákvæmlega sami svanasöngurinn og Bankarnir okkar elskulegu (útrásarpésarnir) sungu fyrir hrunið...

Eru sporin ekkert farin að hræða?

Eignasafn Landsbankans er óvituð stærð með öllu.

Og þetta er nákvæmlega sama aðferð og IMF hefur notað í öllum þeim löndum þar sem þeir hafa komið sem handrukkarar stórveldanna til að hirða upp þjóðlindir þeirra landa. Þar er engin undantekning á.

Erum við eitthvað öðruvísi? Það er mikill barnaskapur að halda slíkt eða vanþekking á hvernig sjóðurinn og heimsveldin starfa og hafa gert undanfarna áratugina... (árhundruðin) 

Eftir 7 ára "frið" þá munum við ekki getað borgað. Það er De factum.

Þá verður mikið erfiðara fyrir okkur að segja. Nei við borgum ekki, af því að við erum búin að skuldbinda okkur til þess. Það höfum við ekki gert núna.

Það er verið að selja land og þjóð á alheimsmarkaðstorg Mammons. Þetta er blákaldur veruleiki og því fyrr sem almenningur gerir sér það ljóst, því fyrr verður hægt að stöðva þetta brjálæði.

Þegar þessi fjárhæð sem Icesave skuldbindingar okkar eru leggjast ofan á fyrr skuldir, þá eru skuldir okkar orðnar 102% af vergri framleiðslu. Þegar almenningur í Argentínu gerði uppreisn þá voru skuldir þess lands 52%

Það sjá það allir að þetta er óðs manns æði... við getum ekki samþykkt eitthvað sem við getum ekki staðið við nema kannski ef allt fer á hin bestasta veg vonandi ef bjartsýnustu spár rætast... 

En þess ber að geta að allar spár benda til hins gagnstæða..

[Bjarni Þór Sigurbjörnsson (IP-tala skráð) 8.6.2009 kl. 13:02]

Eignir Landsbankans ganga upp í lánið, að því gefnu að innistæðusjóður hafi löglegan forgangsrétt til að taka þær yfir. Um það er allsendis óvíst, enda mun fleiri kröfuhafar í þessar eignir en bara innistæðustjóður og ísl. ríkið.

Sjá mjög góða grein um þetta hér: http://www.amx.is/pistlar/7655/