Meinlokan um vextina af Icesaveskuldinni.

Samkvæmt áætlun Seðlabankans frá því í haust má áætla að endurheimtur af eignum Landsbankans nemi um það bil 90% þannig að Icesaveskuldin í heild sem á að borga á árunum 2016 til 2024 verði í heild um 150 milljarðar.

Þessi fjárhæð er miklu lægri heldur en ætla má af skrifum andstæðinga þessarar ríkisstjórnar.  Það er satt að segja með hreinum ólíkindum hvað menn gera mikið úr þessu máli.  Til samanburðar má nefna að áætlað er halli ríkissjóðs næstu 2 árin geti orðið 300 milljarðar á næstu 2 árum sem er helmingi hærri upphæð en Icesave skuldin sem við ætlum að borga á næstu 15 árum. 

Til viðbótar þessu segja Icesave spekingarnir ,,þetta er ekki nóg við þurfum líka að reikna vexti á alla skuldina" og svo fara menn að reikna og reikna og fá út allt að 200 til 300 milljarða í vexti til viðbótar. 

Þetta er kolröng aðferðarfræði.  Þetta er svipað og segja við mann sem tekur 20 milljóna kr húsnæðislán til 40 ára að hann skuldi ekki 20 milljónir nei heldur skuldi hann 100 milljónir vegna þess að vextirnir í 40 ár yrðu 80 milljónir. Bull bull myndi einhver segja en þetta er nákvæmlega sama bullið og bullið í þeim sem eru að reikna vexti á Icesave skuldina.  Menn gleyma því að við erum að fá lán til langs tíma og gætum ávaxtað sambærilega fjárhæð á vöxtum annars staðar þannig að nettó yrði engin vaxtakostnaður í raun og veru.

Nýtt mat liggur ekki fyrir

Athugasemdir

[Hörður Halldórsson, 3.2.2010 kl. 21:33]

Ólán  að ekki sé búið að semja.Meðan ekki er samið tapast nokkrir tugir milljarða  á mánuði í þjóðarbúskapnum.Getum ekki verið í flokkapólítík núna.HEIMILUM OG FYRIRTÆKJUM ER AÐ BLÆÐA ÚT.

[Haraldur Hansson, 4.2.2010 kl. 01:26]

Ef þú tekur húsnæðislán til 40 ára þarftu fyrst að fara í greiðslumat. Það er til að meta hvaða greiðslubyrði þú getur staðið undir, að vöxtum og verðbótum meðtöldum. Hún skiptir meira máli en höfuðstóllinn. Það er greiðslugetan sem sker úr um hvað þú færð að láni.

Sama gildir um IceSave. Þess vegna þarf að reikna vextina með.

Það sem skiptir máli er greiðslugetan, gjaldþol skuldarans. Ef greiðslubyrðin er svo þung að skuldarinn stendur ekki undir henni, þá stefnir í óefni. Það þarf ekki snilling til að sjá hættuna.

IceSave margfaldar hættuna á greiðsluþroti. Auk þess er "lánið" í erlendri mynt, sem gerir það alvarlegra. 

[Hólmfríður Bjarnadóttir, 4.2.2010 kl. 21:51]

Sæl Þórdís. Þú talr hreint út um hlutina eins og vant er og það er ekki INN núna, alla vegana ekki um ICESAVE. Helst á að flækja útreikningana sem mest og vitna í alla mögulegar hagstærðir svo við skiljum sem minnst. Þetta er alls ekki slíkt stórmál sem margir vilja vera láta fjárhagslega. Hinsvegar er það stórmál að svona geti gerst, en það er bara allt annar hlutur. Að það skuli vera hrunliðið sem mest hefur blásið þetta mál út, er á mínu áliti alveg óskiljanlegt ef notuð er heilbrigð skynsemi.