Samninga um Icesave strax er þjóðarnauðsyn.

Góðar fréttir berast nú frá London en staðfest er að íslenska samninganefndin hafi átt óformlegar viðræður við Breta í dag um Icesave málið.  Jafnframt fylgja fréttinni að Hollendingar fylgjast vel með gangi mála.

Við verðum öll að vona að samningar takist nú eftir helgina svo ekki þurfi að koma til þjóðaratkvæðagreiðslunnar.

Alveg er ljóst að frekari dráttur á því a ljúka þessu máli mun stórskaða Íslendinga. Nú er svo komið að hvorki ríkissjóður né öflugustu fyrirtæki landsins hafa ekki aðgang að erlendu lánsfé til að endurfjármagna sig hvað þá heldur til að hefja nýjar fjárfestingar.

AGS og norðurlandaþjóðirnar sem ættu að veita okkur lán halda að sér höndum. Allt er orðið frosið. Ef þetta ástand heldur áfram og ekki takast samningar um Icesave mun atvinnuleysi stóraukast og er nú þegar orðið allt of mikið. Þá mun húsnæði landsmanna hrynja í verði og eru þegar komnar vísbendingar um það að lækkun íbúðarhúsnæðis er miklu meira en áður hefur verið talið.   Þegar um raunverlulega sölu á íbúðarhúsnæði hefur verið að ræða en ekki makaskipti en þar skiptir verðið engu máli.

Það er því þjóðarnauðsyn að ná samningum um Icesavemálið strax. Því verður ekki trúað að sanngjarnir Íslendingar reyni að koma í veg fyrir þessa samninga af pólítískum ástæðum.

 

Leynifundur um Icesave

Athugasemdir

[Hólmfríður Bjarnadóttir, 28.2.2010 kl. 21:40]

Mikið er ég sammála þér Þórdís Bára. Það besta sem ég heyrði um málið í daga var að Bretar vildu endilega klára málið svo að þjóðaratkvæðagreiðslan fari ekki fram. Hún er talið gefa slæmt fordæmi fyrir önnur skuldug ríki sem gætu þá tekið til þess ráðs að láta sínar þjóðir kjósa um það hvort greiða ætti skuldir eða ekki. Hver sem ástæðan er í raun þá virðast Bretar vilja klára málið sem er gott.

Lítið hefur verið rætt um lánsfjárskortinn sem þú talar um, en ég efast ekki um að hann er til staðar