Lítilmannlegar nornaveiðar

Þjóðin verður nú vitni að ótrúlega illskeyttum árásum stjórnarandstöðunnar á Gylfa Magnússon viðskiptaráðherra. Það er með ólíkindum hvað menn geta lagst lágt til að koma höggi á pólítískan andstæðing.  Allir vita sem vilja vita að Gylfi Magnússon er yfirburðamaður í ráðherraliðinu og þjóðin á honum mjög mikið að þakka við að þoka erfiðum málum í rétta átt eftir hrunið sem engin hefði getað leikið eftir.

 

Auðvitað er fólk reitt og margir hafa átt erfiða tíma en það veitir ekki heimild til að ofsækja þennan mæta mann með bulli og kjaftæði.

Efnislega hefur hann ekki gert neitt rangt.  Hann sem ráðherra getur ekki og má ekki taka afstöðu til viðkvæmra mála eins gengistryggðu lánin voru og eru út frá einu lögfræðiáliti.  Hann má einfaldlega ekki vera með sterka skoðun á þessu máli heldur er í raun ekkert hægt að gera fyrr en dómsúrskurður liggur fyrir.  Þessa einföldu staðreynd vilja menn ekki skilja heldur nota þetta mál til ósmekklegra og lítilmannlegra árása.

Gylfi Magnússon er ekki einungis eldklár dugnaðarforkur heldur ber hann með sér sanngirni og heiðarleika. Þetta vita pólítískir andtæðingar hans mæta vel  en leggjast samt svona lágt. Þeir ættu að skammast sín.

Gylfi og Jóhanna töluðu saman

Athugasemdir

[Arnar R (IP-tala skráð) 14.8.2010 kl. 00:51]

Mér fannst hann nú lýsa ansi fjálglega SINNI skoðun á gengistryggðum lánum....í fréttum fyrir ekki svo löngu....en kannski er þessi pistill hjá þér bara kaldhæðni sem ég missti af.......

[Heimir Lárusson Fjeldsted, 14.8.2010 kl. 10:12]

Hvaða málum hefur Gylfi þokað eins og þú orðar það?

[Þórdís Bára Hannesdóttir, 14.8.2010 kl. 11:17]

Arnar

Ráðhera getur ekki tekið afstöðu til gengistryggðra lána efir einu lögfræðiáliti sem byggt er á ákveðnum forsendum. Sigurður Líndal lagaprófessor fjallar um þetta í blaðagrein í gær. Þegar Hæstaréttarurskurður lggur fyrir er komin upp allt önnur staða og þá geta ráðherrar látið sína skoðun ó ljós.

[Þórdís Bára Hannesdóttir, 14.8.2010 kl. 11:27]

Heimir

þar nægir að nefna nýja löggjöf um fjármálafyrirtæki sem er gífurlega vandasamt mál Þar er tekið er á öllum  málum sem áttu þátt í að hrunið varð eins óskaplegt og raun ber vitni. Þar er t.d tekið á lánum til eiganda fjámálafyrirtækja en það klúður í fyrrverandi löggjöf átti stærstan þátt í hruninu þegar fyrrverandi eigendur bankana rændu þá innanfrá.