Samningar um Icesave

Mikill stormur í vatnsglasi geisar nú í bloggheimum vegna þess að Steingrímur j sagði að Islendingar ætli að borga Icesave. Hvað er í gangi? Vita menn ekki að viðræðunefnd allra stjórnmálaflokka er í samningaviðræðum við Breta og Hollendinga um Icesave þar sem gengið er út frá að öll skuldin verði greidd. Spurningin er eingöngu um hvaða vexti er hægt að semja um  og er nefndin  að berjast fyrir því að fá þar sem besta niðurstöðu fyrir okkur. Hvað er í gangi?

Steingrímur: Íslendingar munu borga

Athugasemdir

[Elís Már Kjartansson, 18.9.2010 kl. 15:47]

Hvað er í gangi? Það sem er í gangi er það að það er búið að hafna því að greiða þessa skuld alfarið í þjóðaratkvæðagreiðslu þar sem þessi upplogna skuld var tekinn og hent út afborði íslensku þjóðarinnar ætli hinsvegar alþingi sem fer með löggjafarvald að taka fram fyrir hendurnar á þjóðinni sem fer með fullveldið=Algjört vald og greiða þetta þá eru það stórkostlegt brot á okkar stjórnarskrá sem þessir menn eiga að standa vörð um. Það eru viðurlög við slíkum gjörðum sem ganga á fullveldi þjóðarinnar og þessir menn skulu bara vara sig á því.

[Þórdís Bára Hannesdóttir, 18.9.2010 kl. 16:09]

Sæll Elías

Í þjóðaratkvæðagreiðslunni var verið að hafna samþykkt alþingis un samninga sem þegar voru orðnir úreltir þegar atkvæðagreiðslan fór fram. Þar var alltaf verið að tala um lánakjörin en ekki skuldina sjálfa.

[Elís Már Kjartansson, 18.9.2010 kl. 16:22]

Sæl Þórdís

Þú hefur rangt fyrir þér ég heiti í fyrsta lagi ekki Elias heldu Elís og þessir samningar voru ekki úreldir þess þá heldur það lá enginn annar samningur á borðinu en hvað sem því líður og allur þessi orðhenglisháttur á þessu máli þá var þjóðinn að hafna Icesaveskuldini með öllu ekki einhverjum samingingi eitt eða samningi tvö. Icesave er og verður aldrei skuld fólksins í landinu þetta er fóllk farið að sjá og einnig þeir sem rannsakað hafa efnahagshrunið til mergjar og gefið út skýrlsu rannsóknarnefndar um efnahagshrunið

Með kveðju 

Elís

[ASE (IP-tala skráð) 18.9.2010 kl. 16:33]

Nákvæmlega Þórdís.  Það er ótrúlegt hve margir virðast ekki skilja upp né niður í hvað málið snýst :-o  Hefur fólk ekki kynnt sér málið áður en það myndar sér skoðun og tjáir sig um það opinberlega?  Þvílíkar eru rangfærslurnar út um allt, maður næstum farin að efast um lesskilning landans!

[Þórdís Bára Hannesdóttir, 18.9.2010 kl. 16:47]

Sæll Elís

Það skiptir máli um hvað er verið að tala. Íslensk stjórnvöld (Geir, Ingibjörg, Árni) samþykktu þessa skukd í október 2008. Síðan þá hefur þessi skuld alltaf legið á borðinu en spurningin hefur verið að hve miklu leyti eignir gamla Landsbankans munu duga til að greiða hana.

Raunverulega deilumálið hefur eingöngu staðið um lánakjörin. Á hve löngum tíma á að greiða skuldina og hverjir eiga vextirnir að vera.

[Elís Már Kjartansson, 18.9.2010 kl. 17:02]

Sæl Þórdís.

Íslensk stjórnvöld samþykktu með víðtækum stuðningi alþingis þá ályktun að við íslendingar sjáðu til viðurkendum ekki þessa skuld en værum til í að greiða með ákveðnum varnöglum það var að við myndum áskilja okkur þann rétt að fara dómstóla leið seinna meir um þetta tiltekna mál ásamt fjölmörgu öðru eins og að auðlyndir okkar myndu ekki ganga upp í osfv. Það sem gerðist í framhaldnu af þessari laga samþykkt var sú að brétar og hollendingar samþykktu ekki þessa leið og þarafleiðandi fellur sá samningur um sjálfan sig. Þá var reynd önnur tilraun þar sem fjármálaráðherra fór fram á það skilyrðislaust að ríkisábyrgð yrði á þessu og þvingaði því í gegnum alþingi með jóhönnu og hennar fólki.  En sá samingur strandaði á forseta íslands og þökk sé honum fyrir vel unnin störf. Hann sendi það til þjóðarinnar þar sem þjóðinn stráfelldi ríkisábyrgðartillögu fjármálaráðherra á icesave. 

Það sem eftir stendur jú það eru lög í gildi sem búið er að hafna af brétum og hollendingum sem eru þá marklaus og þýða nákvæmlega ekki neitt og ber að fella úr gildi og einnig að það er enginn ríkisábyrgð á icesave og var aldrei. Viltu þá kannski segja mér hvað hann Steingrímur er að tala um þarna við erlenda fjölmiðla . Hann hlýtur að ætla að borga þetta úr sinum eigin vasa hann hlýtur að vera stórefnaður eftir að hafa gengið erinda kúgarana.

með kveðju 

Elís

[Þórdís Bára Hannesdóttir, 18.9.2010 kl. 17:26]

Sæll aftur Elís.

það þíðir ekki nú né endranær að sleppa aðalatriðum máls og halda áfram tilgangslitlu karpi. Staðreyndin er sú að allir flokkar á Íslandi eru sameiginlega að reyna að ná samningum við Breta og Holllendinga um lánakjör vegna Icesave. Þetta kemur Steingrími ekkert við frekar en Bjarna, Sigmundi eða Jóhönnu. Þau eru öll að reyna að ná niðurstöðu um þetta mikilvæga mál í sameiningu

[Guðmundur Ásgeirsson, 18.9.2010 kl. 18:55]

Hvaða skuld eruð þið að tala um? Skuld getur ekki orðið til nema tveir aðilar geri samning um að annar þeirra afhendi fjármuni til láns og hins veiti þeim móttöku og lofi endurgreiðslu seinna.

Bretar og Hollendingar hafa aldrei gert slíkan samning við okkur, og því síður að þeir hafi afhent okkur einhverja fjármuni sem okkur bæri að endurgreiða. Þeir ákvaðu hinsvegar algjörlega einhliða að greiða upp einhverjar útistandandi kröfur á einkarekið íslenskt fyrirtæki sem var þar starfandi. Það gerðu þeir algjörlega óumbeðnir og brutu með því ákvæði EES-samningsins sem við erum aðilar að. Svo lýstu Bretar því yfir að við værum ribbaldar og auglýstu það með ríkisrekna áróðursfjölmiðlinum sínum, en það olli okkur miklu tjóni.

Ef það er einhver "skuld" í þessu dæmi þá eru það kannski skaðabæturnar sem réttast væri að Bretar greiddu okkur fyrir þessa afleitu framkomu sína.

[Þórdís Bára Hannesdóttir, 18.9.2010 kl. 21:46]

Sæll Guðmundur

Samkomulag var gert við Breta og Hollendinga um að greiða innistæðueigendum í útibúi landsbankans í þessum löndum allar innistæður sínar eins og gert var í útibúum bankans á Islandi. Bretar og Hollendingar greiddu alla upphæðina en samningurinn við okkur gekk út á að við greidddum lágmarksupphæðina rúmlega 20.000 evrur hið mesta á hvern innlánsreikning. Þanniger þessi skuld til komin og þessa skuld samþykktu íslensk stjórnvöld á sínum tíma okt 2008. Málið er ekki flóknara. Þessi skuld hefur legið fyri í tæp tvö ár. Íslenska samninganefndin er nú að reyna að ná góðum samningum um lánakjör á þessari skuld.

Þegar rykið sem þyrlað hefur verið upp í þessu máli sest er þetta einfaldlega sem stendur eftir. Líklegast er að eignir Landsbankans dugi fyrir skuldinni þannig að það eru vextirnir frá okt 2008 þar til skuldin verður að fullu greidd sem þetta mál snýst um og ekkert annað. 

[Stefán Júlíusson (IP-tala skráð) 19.9.2010 kl. 10:47]

Einmitt, þetta eru ekki samningafundir um annað en vexti og hvernig endurgreiðslum verði háttð.

[Elís Már Kjartansson, 19.9.2010 kl. 13:03]

Sæl aftur Þórdís

Samkomulag milli ríkistjórnar  er ekki það sama og samningur eða lög. Stjórnskipan á Íslandi er ekki þannig að ráðherra geti einhliða gert samkomulag við erlend ríki án þess að það fari í gegnum þing og þjóð. Þessu var hafnað af þjóðinni þessvegna er ekkert samkomulag í gangi þetta hélt maður að allir vissu þeir sem ekki skilja þessa hluti verða nú að fara athuga sinn gang all verulega. Ísland er lýðræðisríki ekki einræðisríki eða ráðherra ríki fólkið er með valdið ekki þingið þingið hefur einungis löggjafarvald en þjóðinn er með fullvald. Þú ættir kannski að fletta þessu upp þá ferðu að skilja hlutina í réttu ljósi.

með kveðju 

Elís

[Stefán Júlíusson (IP-tala skráð) 19.9.2010 kl. 13:57]

Elís: Það eru til lög og reglur. Ísland er aðili að EES.  Lög hafa verið samþykkt vegna EES samningsins.

Eftir þeim er farið og því ber íslenska ríkinu að greiða Icesave reikningana.

Þjóðaratkvæðagreiðslan var um það hvort þessi ákveðin lög um endurgreiðslu yrði samþykkt eða ekki.

Þjóaratkvæðagreiðslan fjallaði ekki um það hvort ríkið ætlaði að greiða Icesave eða ekki.

[Skeggi Skaftason, 19.9.2010 kl. 15:04]

Steingrímur veit sem er að hann getur ekki farið um heiminn blaðrandi tóma vitleysu eins og Forsetinn, því það er hann Steingrímur, sem þarf að leysa þetta mál. Forsetinn er "stikkfrí" og má halda áfram sínum vinsældaleik.

Áfram Steingrímur! Þú guggnar ekki á þessu vanþakkláta starfi.

[Þórdís Bára Hannesdóttir, 19.9.2010 kl. 18:39]

Nákvæmlega rétt Skeggi. Það þarf að sýna ábyrgð í þessu máli. Forsetinn virðist úti á túni. Allir flokkar( að undanskyldri hreyfingunni )á Alþingi taka þátt í samningaviðræðim við Breta og Hollendinga af fullri ábyrgð og vonandi næst niðurstaða sem fyrst.

[Guðmundur Ásgeirsson, 19.9.2010 kl. 22:11]

Það var aldrei gert samkomulag um að Bretar og Hollendingar myndu fyrst greiða innstæðueigendum hjá IceSave og svo myndu Íslendingar "endurgreiða" þann kostnað, þetta er misskilningur. Hið sanna er að það var ekki að beiðni íslenskra stjórnvalda sem Bretar og Hollendingar greiddu innstæðueigendum hjá IceSave, heldur var það þeirra eigin ákvörðun og svo ætluðu þeir bara að senda okkur reikninginn fyrir því. Jafnvel þó að þessi ákvörðun þeirra hafi falið í sér brot á gildandi reglum á EES svæðinu sem banna slíka ríkisaðstoð.