Sjálfstæðismenn úr öskunni í eldinn.

Hef verið að lesa viðtölin við nýja borgarstjórann af miklum áhuga. Eftir þann lestur allan er mér orðið ljóst að nú fyrst eru sjálfstæðismenn komnir í mikil vandræði sem voru þó næg fyrir.

Það er ekki nóg að flokkurinn sé í sárum vegna REI málsins eins og kom fram í nýlegu viðtali við einn borgarfulltrúa þeirra heldur hefur nú bæst við annað og ennþá meira vandamál. 

Það nefnilega alveg ljóst af viðtölum við nýja borgarstjórann að nú er stund hefndarinnar runnin upp.  Sjálfstæðismenn hafa haft þennan mann í flimtingum undanfarin ár og niðurlægt hann og hans skoðanir á allan hátt þannig að hann sá þann eina kost í stöðunni að segja sig úr flokknum og fara í sér framboð.

En nú er komin nýr dagur nú skulu sjálfstæðismenn sitja og standa eins og hann boðar.  Nú skal framkvæma alla sérviskuna sama hvað það kostar.  Þannig hefur staða sjálfstæðismanna í borgarstjórninni breyst úr því að vera slæm í það að vera skelfileg. 

Fram hefur komið að þeir áttu frumkvæðið að því að koma sér í þessi vandræði.  Menn hafa verið að vorkenna nýja borgarstjóranum fyrir það að hafa verið plataður til samstarfs en nú er orðið ljóst að þessu er þveröfugt farið.  Hann er sterki maðurinn í þessu máli og í raun sá sem plataði sjálfstæðismennina til þess að framkvæma allar þær tillögur í borgarmálum sem þeir hafa alltaf verið algjörlega á móti. Nú þegar hafa sjálfstæðismenn aðeins séð byrjunina af því sem koma skal.

 

 

Athugasemdir

[Helgi Jóhann Hauksson, 27.1.2008 kl. 00:42]

Þetta er alveg rétt hjá þér og mikilvægur punktur um að nú fyrst er Sjálfstæðisflokkurinn í slæmum málum - það er hugsanlega líka rétt hjá þér að Ólafur ætli að láta Sjálfstæðisflokk standa og sitja eins og honum sýnist og finna til sætrarar hefndarinnar, en það er ekki rétt að Ólafur sé sterki maðurinn - þvert á móti þá er hann veikasti hlekkurinn í þessu sjúka sambandi.