Sjálfstæðisflokkurinn vill koma atvinnulífinu af stað.

Formaður Sjálfstæðisflokksins hefur hvað eftir annað ásakað ríkisstjórnina um seinagang við að koma atvinnulífinu af stað.

Þegar nánar er spurt um hvað formaðurinn eigi við verður fátt um svör.  

Á ríkisstjórnin að fara að byggja jarðgöng og hvað fá margir vinnu við það og svo framvegis. 

Í dag kom hins vegar í ljós hvað blessaður formaðurinn á við.  Í fréttum kom fram að fyrirtækið  NI þar sem hann var stjórnarformaður í mörg ár fær nú niðurfellingu skulda svo milljarða tugum skiptir frá öllum bönkunum og til viðbótar afskrifuðu þeir eitt stk viðskiptavild upp á 4,5 milljarða sem stafar af því að í hinum villtu draumum um fyrirtækið voru eignir og eigið fé hækkað vegna viðskiptavildar og arður greiddur út í samræmi við það en nú kemur því miður í ljós að þetta var allt í plati.  Það var engin viðskiptavild og þess vegna átti engan arð að borga út.

Þarna er loksins komið fram hvað formaður Sjálfstæðisflokksins á við þegar hann talar um að efla eigi atvinnulífið. Það á að fella niður skuldir fyrirtækjanna og það á að afskrifa leiðinlega viðskiptavild en það á ekki að endurgreiða arðinn sem veittur var út á hina fölsku viðskiptavild.

Töpuðu milljörðum á N1

Athugasemdir

[Hermann, 12.8.2011 kl. 20:34]

Ég er búinn að vera að fylgjast með sviðuðum fréttum hvað eftir annað hér síðan 2008 og ekkert gerist... hvað ætlum við að láta þetta yfir okkur ganga lengi ? óeirðir hér á landi væru ekki svo slæm hugmynd en bara beina þeim gegn þeim sem eiga það skilið ;)

[Þórdís Bára Hannesdóttir, 12.8.2011 kl. 21:14]

Sæll Hermann

Alveg rétt hjá þér. Það sem alltaf gleymist en er aðalatriðið  að undanfari slíkra niðurfellinga og afskrifta á viðskiptavild er gífurleg arðgreiðsla þar sem peningar voru dregnir út úr fyrirtækjunum og fóru beint í vasa hluthafa sem aðeins greiddu 10% í skatta af arðinum.