Bjartur í Sumarhúsum formaður Sjálfstæðisflokksins.

Átakanlegt var að lesa viðtal við formann Sjálfstæðisflokksins á forsíðu Morgunblaðsins í dag. 

Þar lýsir hann þeirri skoðun Sjálfstæðismanna að þeir ætli að vera fyrir utan ESB og þar að auki að fella Icesavesamninginn.  Þetta minnir óneitanlega á Bjart í Sumarhúsum þegar hann eftir að hafa lennt í endalausu basli og misst bæði eiginkonu og skepnur i vonlausri baráttu við náttúruna ákvað í lok sögunnar að fara aftur upp á heiðina.

Sama er uppi á teningnum hjá hinum unga formanni Sjálfstæðisflokksins.  Eftir að efnahagskerfi þjóðarinnar hefur hrunið þá vill hann þrátt fyrir það eins og Bjartur forðum engin samskipti hafa við við nábúa sína þó hann viti að gjaldmiðill þjóðarinnar er handónýtur og mun aldrei nýtast í framtíðinni.

Spurt er hvað vakir fyrir þessum unga manni.  Við hvað er hann hræddur?.  Er hann að þóknast Davíð Oddsyni með þessum fáránlegu skoðunum sem eru eins og allir vita ekki í samræmi við hans eigin skoðanir eins og hann lýsti þeim fyrir nokkrum misserum síðan.

Hann verður eins og allir í hans sporum hafa þurft að gera að hrista af sér fortíðardrauga og gamla formenn sem eru hættir í pólítík en geta samt ekki hætt að skipta sér af því sem þeim kemur ekki við.

Er næsta skref hjá þessum unga manni að fara að verja ástarbréfin hans Davíðs eða frammistöðu hans í jöklabréfunum en áætla má að þessi mistök seðlabankastjórans fyrrverandi muni kosta þjóðina 3x meira en hún þarf nokkurn tímann að borga vegna Icesave samninganna.

Ætlar síðan formaðurinn að bíta höfuðið af skömminni með því að leggja til að þjóðin hafni Icesave samningunum og leiða yfir þjóðina þær hörmungar sem því yrði samfara. 

Er ekki hreinlegra að segja af sér strax.

Athugasemdir

[Ragnhildur Kolka, 19.12.2009 kl. 13:09]

Bjarni er í takt við þjóðina, því þjóðin vill hvorki ESB eða óútfylltan Icesavevíxil.

Það er meira en sagt verður um ESB undirlægjustjórnina, sem kann engin ráð önnur en skríða í faðm hins spillta valds í Brussel og vonast til að allir verði voða, voða góðir við okkur. Það er glæpsamleg einfeldni.

[Gunnlaugur Ingvarsson (IP-tala skráð) 19.12.2009 kl. 13:40]

Sæl Þórdís. 

Þó ekki sé ég Sjálfstæðismaður þá tek ég undir með Ragnhildi hér að ofan.

Þjóðin vill ekkert inn í þetta ólýðræðislega og gjörspillta yfirríkjabandalag sem heitir ESB.

Þannig er formaður Sjálfstæðisflokksins í takt við sína þjóð. Einnig vill þjóðin afgerandi hafna ríkisábyrgð á skuldum Landsbankans, sem var í einkaeign. Allar skoðanakannanir hafa sýnt mjög svipaða og afgerandi niðurstöðu, u.þ.b. 70% þjóðarinnar vill ekki að skrifað verði undir þessar drápsklyfjar að kröfu ESB og þeirra legáta.

Þannig eru greinarskrif þín um þetta mál úr öllum takti við vilja þjóðarinnar.

Hvað sem líður skoðunum formanns Sjálfstæðisflokkisn eða annarra stjórmálamanna þá vill þjóðin afgerandi hafna ESB aðild og einnig hafna ESB smaningnum. Það er aðeins minnihluti þjóðarinnar eða kanski rét rúmlega 29% sem vill ganga að þessum drápsklyfjum og ganga inní ESB stórríkið.

Þannig talar þú Þórdís í makalausum öfugmælum, bæði í þessari grein þinni og einnig hinni fyrri sem er ekkert annað en makalausir útúrsnúningar og rangtúlkanir.

Ekki trúi ég að þú trúir þessum makalausa málflutningi þínum sjálf.

Þess vegna tel ég þetta einungis vera léttvægur og frekar barnalegur áróður hjá þér.

                               ÁFRAM ÍSLAND - EKKERT ESB !

[Hjörtur J. Guðmundsson, 19.12.2009 kl. 14:17]

Sjálfstæðismenn upp til hópa vilja ekki í Evrópusambandið. Þetta er ekki mikið flóknara en það.

Þess utan lýsir það einkennilegri sýn á hlutina að ekki sé hægt að hafa samskipti viðnágrannaríki okkar nema við göngum í Evrópusambandsríkið. Ef við gerðum það gætum við einmitt ekki átt samskipti við önnur ríki utan þess, aðrir sæu þá um þau fyrir okkur. Það vill einu sinni svo til að aðeins brot af ríkjum heimsins eru í Evrópusambandsríkinu.

[Þórdís Bára Hannesdóttir, 19.12.2009 kl. 15:50]

Sæl Ragnhildur. Eitthvað virðist nú pólítíkin hafa farið öfugt ofan í þig. Hvaðan í ósköðunum koma svona fullyrðingar eins og ,,hið spillta vald í Brussel" og svo frv. Þetta eru Evrópuþjóðirnar, vina þjóðirnar og við erum búin að vera í EES í 40 ár og aldrei borið skugga á. Svona orðbragð er ekki við hæfi um vini okkar.

[Þórdís Bára Hannesdóttir, 19.12.2009 kl. 16:02]

Sæll Gunnlaugur. Þú virðist vera fullur af allskonar sleggjudómum um Evrópuþjóðirnar.  Að tala um þetta  ólýðræðislega og gjörspillta yfirríkjabandalag er auðvitað gersamlega út í hött. Hvaðan kemur allur þessi misskilningur og öfgar.  Þetta eru búnar að vera vinaþjóðir okkar í gegnum aldirnar og við erum búin að vera í EES í langan tíma.  Það er fullkomin barnaskapur eins og þú veist að kenna alltaf öðrum um ófarir sínar.  Aumingja litla Ísland sem allir eru svo vondir við. Hvers konar bull er þetta.  Við komum okkur sjálf í þessi vandræði sem við erum í.

 

[Þórdís Bára Hannesdóttir, 19.12.2009 kl. 16:08]

Sæll Hjörtur.  Þarna held ég að þú misreiknir vilja Sjálfstæðismanna.  Ef skygnst er undir yfirborðið þá er mikill stuðningur í Sjálfstæðisflokknum við ESB.  Hvað heldurðu t.d. að atvinnurekendur kjósi og þeirra fjölskyldur þegar á hólminn er komið. Hvað heldurðu að allt háskóla og íþróttahreyfingin geri? Allir þessir sóru hópar munu hagnast á inngöngu í ESB og það vita þeir mæta vel.   Vitað er að Sjálfstæðismenn í bændastétt eru alveg á móti ESB en lunginn af öðrum Sjálfstæðismönnum mun styðja ESB þegar um það verður kosið.

[Ragnhildur Kolka, 19.12.2009 kl. 19:16]

Hafi einhver pólitík farið öfugt ofan í mig er það þessi pistill þinn sem er þetta dæmigerða orðagjálfur sem opinberar hugarspuna vinstrimanna. Heimasmíðaðar sálfræðikenningar þínar skila engri vigt. 

Ekkert er fjær sanni en að "gjaldmiðill þjóðarinnar (sé) handónýtur". Það er einmitt KRÓNAN sem hefur komið okkur að bestu notum á þessu ári. Hún hefur séð til þess að hér standa útflutningsgreinar allvel og þarftu ekki annað en skoða hvernig ástatt er hjá evruþjóðunum Írum, Grikkjum og  Spánverjum til að átta þig á að möguleikar okkar eru hundraðfalt betri til að komast klakklaust útúr vandanum með krónunni. Það er að segja ef við hefðum ekki þessa huglausu, duglausu og valdsjúku ríkisstjórn, sem leitar lausna í kerfi sem brann úr sér fyrir 20 árum síðan.

Í hverju birtist vinátta Evrópuþjóða í okkar garð, Þórdís? Er það vinarbragð að hindra okkur í að leita SANNGJARNRA lausna á vandamáli sem smyglað var inn á okkur gegnum EES samninginn? Er það vinarbragð að stilla sér upp með Bretum og Hollendingum og heimta AÐ VIÐ BERUM ÁBYRGÐ Á MISTÖKUM sem EES samningurinn bar í sér? Við lítum vináttu ekki sömu augum, Þórdís. EES er viðskiptasamningur og þar sannast að enginn er annars bróðir í leik.

Þér tekst líka að rugla saman Evrópuþjóðum og hinu SPILLTA VALDI Í BRUSSEL. Vald sem þolir ekki að bjóða þegnum upp á lýðræðislegar kosningar er spillt vald. Valdið í Brussel þarf ekki lengur að spyrja þegna sína um eitt né neitt, nú snúast ákvarðanir í Brussel um kaupmennsku í reykfylltum bakherberjum. Í 14 ár hefur Brusselbókhaldið ekki staðist endurskoðunarkröfur og því bara rúllað áfram milli ára. Hvernig heldurðu að það verði núna þegar valdhafarnir þurfa ekki einu sinni að standa þjóðum sínum reikningsskil.

[Gunnlaugur Ingvarsson (IP-tala skráð) 23.12.2009 kl. 16:06]

Sæl Þórdís Bára.

Það er misskilningur hjá þér að ég sé haldinn einhverjum fordómum um Evrópuþjóðirnar eða fólkið í þessum löndum, sama hvort þær eru innan ESB apparatsins eða ekki.

Sjálfur hef ég undanfarin bráðum 4 ár búið í ESB löndum. Áður í Bretlandi og nú á Spáni. En eftir því sem ég kynni mér betur innviði ESB apparatsins og ESB valdsins og ekki síst uppbyggingar valdsins, því meiri viðbjóð fæ ég á þessu ólýðræðislega apparati.

Cómmisararáðin sem ráða mestu um stefnu ESB og löggjöf og reglufarganið eru ekki kosinn af einum eða neinum heldur handvalinn og skipuð af flokksapparötum vikomandi aðildarlanda.  Styrkir flokksræðið en veikir lýðræðið.

Þeir embættismenn og pólitíkusar sem hafa verið handgengnir flokksforystunni og verið góðir flokkshestar er lofað feitum bitum í Brussel. Oft gerist þetta þegar viðkoamndi pólitíkusum er hafnað í kosningum til þings eða embættismenn missa stöður vegna stjórnarskipta eða slíkt.  Þá fá þeir skjól og eru sendir með flokkstimpilinn á rassgatinu til Brussel þar sem þeim er úthlutað feitu embætti í einhverju Cómmízararáðinu eða nefndarklíkunni.

Þar hefur þessi klíka sem fyrir situr á fleti og sem þeir eru orðnir hluti af sannmælst um það að greiða sér margfallt hærri laun en þeir nokkurn tímann höfðu sem óbreyttir þingmenn eða embættismenn í þjóðlöndum sínum.

Til að bíta höfuðið af spillingunni og skömminni þá hafa þeir líka komið því þannig fyrir að öll þeirra laun er ósnertanleg, þ.e. þeir eru einir þegna ESB sem eru algerlega skattfrjálsir með öll sín laun og öll sín gríðarlegu hlunnindi líka bæði þau sem eru uppá borðum og líka þau sem eru undir borðum.  

Þeir hafa litlar beinar vinnuskyldur og ekkert beint aðhald frá einhverjum kjósendum, þeir hilma hvor aðrir yfir með hver öðrum og passa að klappa hvor öðurm í endalausum einskisnýtum ráðstefnum og tilheyrandi glasaglamri.

Þeir þurfa heldur ekkert lengur að óttast afskipti einhverra kjósenda lengur eða að skipt sé um ríksistjórn. Nei þeir hafa líka sannmælst um það að veita sér þau sjálfsögðu fríðindi að vera æviráðnir eins lengi og þeir vilja og að auki hafa þeir skammtað sér himinjá eftirlaun þegar þeir hætta störfum, sem þeir geta líka gert fyrr en allur almenningur.

Þeir vilja helst enginn afskipti almennings af þeim málum sem þeir ákveða að setja yfir þegna sína, "því þeir einir vita" hvað er okkur þegnunum fyrir bestu. 

Þannig átti í fyrstu að bera stjórnarskrá ESB stórríkisins undir atkvæði almennings en þegar búið var að fella samninginn í Frakklandi og Hollandi, þá drógu þeir hann til baka og breyttu aðeins orðalagi og kölluðu samninginn nú Lissabon sáttmálann og komu því svo þannig fyrir til að fara á svig við hið beina lýðræði að hvergi þurfti að kjósa um þessi ósköp, ja nema í Írlandi, þar sem ekki var hægt að komast hjá því að bera þetta undir atkvæði. Þar var málið kolfellt í þjóðaratkvæðagreiðslu. Þá voru góð ráð dýr en eins og alltaf þegar þegnarnir hafa kosið á móti ESB elítunni þá verður bara að kjósa aftur og aftur þar til þóknanleg niðurstaða fæst fyrir elítuna. Þeim tókst að koma annarri þjóðaratkvæðagreiðslu að á Írlandi og þar var lofað og hótað á víxl af sjálfu apparatinu. Áróðursdeild ESB eyddi að því að talið er 30 milljörðum EVRA í beinan áróður til að knýja nú fram "rétta" niðurstöðu í seinni þjóðaratkvæaðgreiðslunni.

Þetta er lýðrðisást ESB elítunnar í verki. Nú eftir áramótin ætlar áróðursmáladeild ESB að opna sérstakt sendiráð á Íslandi. Þeir verða með fullar hedur fjár og munu óspart ausa því á báða bóga til þess að véla þjóðina inní ESB apparatið.

Þessir Eurocratar eru engu skárri en Clamúteran gamla í Sovét sem var heiti á yfirstéttar elítu Sovétríkjanna sálugu, sem töldu sig hina eðalbornu stétt sem vann hin mikilvægu störf fyrir fólkið í landinu.

Sama átti við um svínin í ANIMAL FARM ! 

ESB- apparatið og stjórnkerfi þess er einhver mesta ógn við opið lýðræði síðan Ráðstjórnarríkin sálugu með sín óskeikulu Æðstu ráð og nefndir liðu undir lok.

Að lokum vona ég að þú íhugir þessi mál vandlega og af alvöru og svo vil ég óska þér og þínum gleðilegrar hátíðar. Það er aldrei of seint að skipta um skoðun á þessu máli, það þekki ég á eigin skinni.

                             ÁFRAM ÍSLAND - EKKERT ESB !