Ómaklegar árásir á lágvöruverslanir.

Ótrúlegur vandræðagangur hefur verið á verðkönnunum Verkalýðshreyfingarinnar. Það er eins og að menn hafi alveg gleymt því að úrtakskannanir með tiltölulega fáum einingum geta gefið niðurstöður sem gefa rétta mynd af heildinni með 95 til 100% líkum.  Þessar stóru kannanir sem byggja á því að skoða hillurverð er ávísun á vandræðagang.  Staðreyndin er sú að lágvöruverslanirnar Bónus og Krónan hafa varið kaupmátt launþega meira en nokkrir aðrir.  Þegar öll þjónustan er að hækka og vextirnir eru að hækka  hafa þessar verslanir haldið sínu striki og haldið vöruverðinu lágu.  Þá má nefna að Bónus er með sama vöruverð um allt land og það hefur engri annarri verslunarkeðju tekist áður.

Í sjónvarpsfréttum í gær steig fram á sviðið fulltrúi Samkaupa og hafði stór orð um lágvöruverslanirnar en spyrja mætti þennan talsmann hvaða munur er á verði hjá honum í Samkaupum í Keflavík annars vegar og í Samkaupsverslunum úti á landi hins vegar.   Þar yrði örugglega fátt um svör.

Það er með ólíkindum hvernig fólk og fjölmiðlar hamast á lágvöruverslununum Bónus og Krónunni sem standa upp úr í íslensku viðskiptalífi.

Athugasemdir

[Gunnlaugur B Ólafsson, 6.11.2007 kl. 00:28]

Var einmitt að hugsa á svipuðum nótum, hversu asnalegt það væri að ásaka Bónus um að vera fjandsamlegir neytendum á meðan að þeir eru alltaf með lægstu verðin.

[Marta B Helgadóttir, 7.11.2007 kl. 09:13]

Alveg sammála þér með þetta.