Stíflan að bresta?

Þau ánægjulegu tíðindi bárust frá LÍÚ í gær að samtökin eru tilbúin í aðildarviðræður við ESB. 

Sem kunnugt er hafa útgerðarmenn fram til þessa verið helstu andstæðingar ESB á Íslandi. 

Auðvitað sjá þeir eins og allir frjálslyndir hugsandi menn að við eigum að fara í aðildarviðræður við ESB og hafna öfgafullri einangrunarstefnu sem kom fram í samþykkt á Landsfundi Sjálfstæðisflokksins um að draga aðildaumsóknina til baka.

Samþykkt Landsfundar Sjálfstæðisflokksins var ótrúlega heimskuleg. Ákvörðun LÍÚ vekur vonir um að skynsemin sé að taka yfir öfgastefnu einangrunarsinna í Sjálfstæðisflokknum.

 

 

 

Athugasemdir

[Gunnlaugur I., 5.8.2010 kl. 12:14]

Sæl Þórdís.

Það skiptir engu hvað skoðun svona hagsmunasamtök eins og LÍÚ, ASÍ eða SA eða aðrar elítur hafa a ESB málinu. Þau munu engu ráða um þetta mál á endanum.

Það verður grasrótin og sjálfstæð þjóðarsálin sem á endanum mun algerlega hafna ESB helsinu, alveg sama hvað allar svona elítur segja eða vilja !

Eitt er gott við þetta þá getið þið ESB innlimunarsinnar hætt að kalla okkur ESB innlimunar andstæðinga einhverjar málpípur LÍÚ klíkunnar.

Þó ekki sé ég Sjálfstæðismaður þá sé ég ekki að þetta breyti neinu um það að Sjálfstæðisflokkurinn mun auðvitað halda áfram að bera þá stefnu fram sem samþykkt var á síðasta lLandsfundi flokksins með yfirgnæfandi meirihluta atkvæða og auðvitað halda fram þeirri stefnu sem yfir 80% kjósenda flokksins vilja þ.e. að hafna ESB aðild með öllu og helst kalla umsóknina til baka.

Samkvæmt könnunum er það aðeins lítill minnihluti stuðningsmanna Sjálfstæðisflokksins sem vill ganga ESB á hönd eða 13%.

Hversvegna ætti flokksforystan að hlaupa eftir þessum sárafá minnihluta.

Auk þess sem flokkurinn hefur verið að stórbæta við sig fylgi síðan þessi stefna var sett alveg skýrt og greinilega fram.

Það væri þá frekar að Samfylkinginn ætti að breyta stefnunni og fara að verða á móti EB aðild því að þeir hafa stöðugt verið að tapa fylgi síðan aðildarumsókninni var þjösnað í gegnum þingið og þar eru aðeins 60 til 67% samþykkir helförinni til Brussel og um 20% stuðningsmanna á móti ESB aðild eða mun fleiri hlutfallslega en samþykkir eru ESB aðild hjá Sjálfstæðisflokknum.

Staðreyndin er að það er enginn flokkur verr og meira klofinn en Samfylkingin í ESB málinu.

Þó ekki komi það fram hjá ráðamönnum flokksins sem allir ganga í gæsatakti með bundið fyrir augu og eyru á eftir Össuri í helförinni til Brussel !

[Benedikta E, 5.8.2010 kl. 13:05]

Það þarf ekki mikið til að gleðja þig Þórdís.

Það er skoðun eins manns sem færir þér svo stórkostlegan fögnuð.

Það er virðingarverður eiginleiki að vera nægjusamur.

[Þórdís Bára Hannesdóttir, 5.8.2010 kl. 14:00]

Gunnlaugur og Benedikta. Þakka ykkur fyrir svörin. Mig langar til að svara ykkur báðum í einu því þið virðist hvorugt skilja grundvallaratriðin í íslensku samfélagi. LÍÚ eru sterkustu hagsmunasamtök landsins og hafa alltaf verið borin uppi af Sjálfstæðisflokknum.  Skoðanir þessara samtaka skipta því gríðarlega miklu máli innan Sjálfstæðisflokksins. Ég fæ ekki séð að forysta Sjálfstæðisflokksins þori að framfylgja landsfundarsamþykktinni um að draga til baka aðildarumsókn að ESB eftir að þessir máttarstólpar Sjálfstæðisflokksins hafa sagt sína skoðun á jafn afgerandi hátt og raun ber vitni.

[Gunnlaugur I., 5.8.2010 kl. 15:07]

Sæl Þórdís. 

Ég vil benda þér á að Morgunblaðið sem lengi vel var undir stjórn Styrmis Gunnarssonar, sem nú er einn helsti baráttumaður gegn ESB innlimun Íslands. 

Að þá undir stjórn Styrmisvar blaðið opinberlega algerlega andvígt gjafakvótakerfinu og barðist hatrammlega gegn því og við LÍÚ klíkuna.

Svo er þetta þvílík oftúlkun hjá þér að LÍÚ  styðji nú almennt aðild landsins að ESB.

Þetta voru aðeins orð formanns LÍÚ að nú væri sennilega orðið of seint að draga umsóknina til baka og best væri að fá niðurstöðu í málið og kjósa svo.

Hann getur engu að síður verið algerlega andvígur ESB aðild eins og ég held reyndar að flestir útvegsmenn og sjómenn séu.

Ég og margir harðir ESB andstæðingar erum næstum komnir á þá skoðun að úr því sem komið er þá sé líkilega að verða illskásti kosturinn að klára þessar vitleysis aðildar/aðlögunarviðræður og drekka þennan fjandans ESB eitubikar í botn og kjósa svo. 

Þó getið þið ESB aftaníossar alls ekki hrósað happi og sagt að þar með séum við orðnir stuðningsmenn ESB innlimunar landsins. Þar er langur vegur þar á milli.

Þið eruð búinn að gjörtapa þessu ESB máli ykkar meðal þjóðarsálarinnar fyrir löngu síðan og eigið engan séns að vinna.

Ég skil vel grundvallaratriði í stjórnmálum og sannaðu til Sjálfstæðisflokkurinn er sko ekkert að fara að breyta lýðræðislegri og mjög skýrri og afdráttarlausri andstöðu sinni gegn innlimun landsins í ESB apparatið,  þó svo formaður LÍÚ hafi ropað þetta. 

[Þórdís Bára Hannesdóttir, 5.8.2010 kl. 15:22]

Sæll aftur Gunnlaugur. Svona er gott að ræða málin.  Ég fæ ekki betur séð en að við séum komin á sömu skoðun. Ég hef aldrei sagt að ég vildi ganga i ESB án nokurra skilyrða Auðvitað verður að finnast viðunandi lausn í sjávarútvegs og landbúnaðarmálum.  Hins vegar er það bjargföst skoðun mín að við eigum að fara í aðildarviðræður og sjá hvernig samning við getum fengið. Sem endanlega yrði svo skorið úr um í þjóðaratkvæðagreiðslu.

[Gunnlaugur I., 5.8.2010 kl. 16:38]

Sæl aftur Þórdís.

Fyrir mér eru gallarnir svo ótal margir og verri að þó svo það næðist "ásættanlegur samningur" í sjávarútvegs- og landbúnaðarmálum sem að sönnu eru mikilvægir málaflokkar, þá myndi ég samt aldrei getað sætt mig við að þjóð mín gengi þessu ólýðræðislega skrifræðis bandalagi á hönd.

Fullveldið og sjálfstæðið þjóðarinnar er eifaldlega ekki til sölu í mínum huga !

Fyrir mér er ESB valdaapparatið mesta og versta ógnin við einstaklingsfrelsið og opið og frjálst lýðræði Vesturlanda síðan Sovétríkin sálugu meða allar sínar nefndir og ráð liðuðust í sundur undan spillingunni og óskilvirkninni.

Þess vegna væri æskilegast að slíta þessum viðræðum nú þegar. En til að koma til móts við þann háværa minnihlutahóp sem hefur gert ESB málið að hálfgerðu trúaratriði þá get ég fallist á að þetta ferli verði gengið til enda og svo kosið.

Vegna þess líka að hvað sem líður öllum elítum og stjórnmálaflokkum, þá efast ég ekki um að grasrótin og íslenska þjóðarsálin mun kolfella ESB aðild, sama hvað !

[Þórdís Bára Hannesdóttir, 5.8.2010 kl. 17:56]

Sæll aftur Gunnlaugur

Þakka fróðlegt svar. Mér er hulin ráðgáta hvernig þú og þínir skoðunarbræður hafið fengið þá bábilju í höfuðið að ESB sé valdaapparat sem sé ógnun við einstaklingsfrelsi og lýðræði Vesturlanda síðan Sovétríkin voru og hétu. Hvílík endemis vitleysa. ESB er fyrst og fremst viðskiptabandalag og í raun friðarbandalag(friður í Evrópu í 65 ár).

Þið sem talið svona ættuð að biðja íbúa gömlu sovétríkjanna afsökunar, þið vitið ekkert hvað þetta fólk nmát.ti þola í endalausum persónunjósnum og hreinsunum ef þú hafðir óæskilega skoðun .

Eruð þið virkilega að líkja saman frelsi  Dana, Svía og Finna við ógnarstjórn Sovétríkjanna. Auðvitað er það á engan hátt sambærilegt.

Þá hafa Frakkar og þjóðverjar ávallt verið okkur hliðhollir.

Hvaðan koma þessar hatursfullu skoðanir á vinaþjóðum okkar gegnum aldirnar.

[Gunnlaugur I., 5.8.2010 kl. 20:50]

Sæl Þórdís.

Það er algjör misskilningur að ég beri einhvern haturshug til þeirra vinaþjóða okkar sem þú nefndir, s.s. Dana, Þjóðverja eða Frakka, eða fólksins sem þar býr.

Síður en svo enda tel ég mig Evrópusinna og meira að segja alþjóðasinna líka. Enda bý ég sjálfur á Spáni og þar áður bjó ég í Bretlandi.

En til stjórnsýslubáknsins ESB ber ég enga virðingu fyrir og hef minna en ekkert álit á.

Það eru mjög margar og víðtækar ástæður að baki. þessu áliti mínu. Sumpart reynsla af því að hafa búið og starfað á Íslandi lengst af og svo samanburðurinn á að hafa nú bráðum 5 ára reynsla af því að hafa búið í tveimur ólíkum ESB ríkjum.

ESB í dag er ekki bara viðskiptabandalag og jú eða friðarbandalag eins og þú segir í greininni.

Það var það í upphafi og allt fram á níunda áratuginn, en þá varð sífellt ljósara að stefnt var að samrunaferli í átt að einu Sambandsríki, sem náði hápunkti sínum með samþykkt Lissabon sáttmálans, sem mun enn herða á samrunaferlinu og valdasamþjöppun og miðstýringu apparatsins sjálfs.

Fæstir fengu að segja álit sitt á þessari stjórnarskrá ESB, enda hafði málið verið fellt árið áður bæði í Frakklandi og Hollandi.  Írar voru þeir einu sem höfðu kosningar og þar var þetta fellt. En þá var bara látið kjósa aftur eftir að ESB hafði haldið úti áróðursherferð sem rætt er um að hafi kostað 10 milljarða Evra.

ESB apparatið byggir ekki á neinu raunverulegu lýðræði, það byggir uppá ókjörnum sérfræðingaráðum og nefndum sem sífellt fá meiri völd til þess að gefa út tilskipanir og reglur, án þess að þegnarnir hafi neina beina aðkomu að þessum valdaklíkum.  

Þessar valdaklíkur klappa hvor annarri og taka til sín sífellt meiri laun og fríðindi án þess að almenningur eða kjörnir fulltrúar hans hafi nokkuð um málið að segja.

Apparatið sjálft er mjög seinvirkt og óskilvirkt. Svona valdauppbygging er gróðrarstíja spillingar og að misfarið sé með almannafé. Enda eru dæmin ófá um spillinguna og sukkið sem lekur þarna af hverju strái.

Svona apparöt þenja sig sífellt út og taka sífellt til sín meiri völd og meiri fríðindi, enda hækkar kostnaðurinn við að halda þessum óhroða úti á hveju ári margfallt á við það sem eðlilegt getur talist. 

Varðandi samlíkinguna við Sovétríkin þá er hún ekki svo galinn ef hlutirnir eru skoðaðir. Þú ættir að kynna þér hvað vísindamaðurinn og fyrrverandi Sovéski andófsmaðurinn Vladímír Bukovski sér sameiginlegt með þessum tveimur vadaapparötum ESB og USSR og hætturnar sem vestrænu lýðræði stafar af svona systemi eins og ESB er orðið.

Sovétríkin voru einmitt byggð upp af góðum hug leysa átti allan mannlegan vanda með svona sérfræðinga- og vísindaráðumráðum sem stöðluðu alla skapaða hluti og áttu að byggja saman eitt þjóðfélag margra ólíkra þjóðríkja. Hinn sanni og fullkomni Sovétmaður átti alls staðar að vera mjög svipaður þó svo hann væri Síberíumaður eða Uzbeki.

Ég veit að Sovétríkin eru ekki sambærileg að því leyti að ESB hefur ekki staðið að þeirri ógnarstjórn sem komið var á í Sovétríkjunum ríki alþýðunnar til að koma á hinu "fullkomna kerfi"  

En sporin hræða og þegar hefur ESB komið sér upp öryggis- og leyniþjónustu til að verja elítuna og þeirra fylgilið og kortleggja andstöðuna.

Þessi öryggis- og leyniþjónusta hefur þegar orðið uppvís að ólögmætum handtökum og mannréttindabrotum. Meðal annars með ólöglegri handtöku Evrópuþingmannsins Daniels Hannan og fleir andófs þingmanna á Evrópuþinginu.

Svona leyniþjónustukerfi stórríkja hegða sér alls staðar eins verða eins konar ríki í ríkinu og brjóta lög og mannréttindi. CIA, KGB og STASI eru til merkis um það.

Ég gæti skrifað heila ritgerð um það hvað þetta er gjörsamlega ómögulegt kerfi og hvers vegna íslendingar eiga ekki að láta sér detta í hug að láta innlima sig í þetta ómanneskjulega og óskilvirka apparat !

[Þórdís Bára Hannesdóttir, 6.8.2010 kl. 13:44]

Sæll aftur Gunnlaugur.  Þakka fróðlegt svar. 

Það sem eftir stendur eftir þessi skoðanaskipti er sem sagt það að þú viðurkennir að fullyrðingar ESB andstæðinga um að einstaklingsfrelsi í ESB ríkjunum sé skert er fullkomlega út í hött.  Auðvitað vita allir sem vilja vita að einstaklingsfrelsi í Danmörku, Svíþjóð, Frakklandi og Þýskalandi svo dæmi séu tekin eru á engan hátt skert þó þessi lönd séu aðilar að viðskiptabandalagi ESB. 

Að þessu frágengnu stendur eftir í áróðri ESB andstæðinga að bandalagið sé ómanneskjulegt skrifstofubákn þar sem spilling ríkir.  Að mínum dómi er hér um að ræða fullkomlelga órökstuddar kjaftasögur. Svo dæmi sé tekið þá gerir ESB mjög strangar kröfur um skýrslugerð vegna allra styrkveitinga.

Það er mjög ódýr málflutningur að segja að allt sé spillt og rotið án þess að geta bent á dæmii.  Það er mjög vinsæl klisja að öll stjórnsýsla sé spillt og rotin og þá sama hvaða land á í hlut. 

[Ingvi Rúnar Einarsson, 6.8.2010 kl. 18:47]

Þórdís.Mér finnst þú fara nokkuð halloka í bréfaskiptum þínum við Gunnlaug.

Formaður LÍÚ hefur sagt að misskilning gæti,á orðum hans við fjölmiðla.

Þú gefur það skyn,að þú mundt ekki vilja að Íslendingar gangi í ESB,án skilyrða.Þá vil segja að lög og reglugerðir ESB,eru gegn því að einstakar þjóðir innan sambandsins hafa einhverjar sérkröfur.

Því má ætla að samningur,sem kemur út úr aðildarviðræðum,bjóði upp á einhverja aðlögun.Þá til fárra ára,og verða sínar ónýtt plagg.

Þetta verða allir Íslendingar að verða ljóst áður en kosning verður um aðild.